Der gantz Jüdisch glaub, Titelblatt

Der gantz Jüdisch glaub (2)

Der gantz Jüdisch glaub (3)

Der gantz Jüdisch glaub (4)

 Zu den Erläuterungen> 

Transkription:

S.1 – Titelblatt

Der gantz Jüdisch glaub

mit sampt ainer gründtlichen vnd war-hafften anzaygunge/ Aller Satzungen / Ceremonien/ Gebetten/ Haymliche vnd offentliche Gebreüch [Gebräuche]/ deren sich dye Juden halten/ durch das gantz Jar / Mit schönen vnd gegründten Argumenten wyder iren Glauben. Durch Anthonium Margaritham Hebrayschen Leser der Löblichen Statt Augspurg/ beschriben vnd an tag gegeben.

S.2

Argument. oder innhalt dises Büchleins.

In disem nachuolgende[n] Büchleyn/ findt man klärlich vn[d] gründtlich alle Ceremonien vnd breüch der Juden/ mitt sampt irem gantzem wochen gebet/ darin sye all tag. 100. Lobsprechunge zu Gott thundt/ Das alles durch Anthonium Margarithan/ Hebreyschen Leser in der löbliche[n] Statt Augspurg/ mit der Juden aigen geschrifft vnnd Bucher bezeüget/ Nemlich wye sye sich mit irem essen/ trincken/ geschyrren halten/ wye vnnd wenn sye fasten/ Kinder beschneyden/ Eemach[n] Schaydbrieff/ Auch wie vn wenn sy sich Tauche[n] feyrtag halten/ mitt iren todten vmbgeen/ Auch wie sye Beychetn ec. Auch was auff ire Artzet vnd Ayde zu halen sey/ vnnd zuuor gegen aynem Christen / Von iren kranckhayten vn lastern/ wye sye sich halten so es wyttert. Auch ain wenig angezaigt/ was die Kabala sey/ vnd der groß haylig name Gottes/ wölcher Tetragramaton genennt wert/ in hebreische[n] ... schäm schäl arba osyos/ Auff teütsch der nam [Name] von den Vier Buchstaben/ Auch was auff iren Thalmudt zu halten sey/ was sy für Ceremonien in ire[n] Kirchen haben/ als mit besondern klaydern/ liechter brenen Wie und wenn sye sich bewegen/ auch gar bucken

S.3
Wie wo vnnd wenn sy Christum mit sampt allen denen die im anhangen oder glauben/ verfluchen vnd verspotten/ Auch ain wenig angezeygt/ wyder iren vnleydlichen wucher vnnd mussig gange [Müßiggang]/ Auch auf das letst ain klain gut/ war/ schrifftlich Argument/ wider iren glauben vnd hoffnung der zu kunfft ihres erdichten Moschiach [Messias] vnnd erläsers/vnnd wider haymsuchung vnd versamlung gen Hierusalem/ sonder diß als wirt mit disem Argument vnbgestossen vnd erhalten / das sye in ewigkait/ also in der gefencknus [Gefängnis] zerströwet [zerstreut] vnnd verworffen/ allen völckern zum spott vnd Exempel/ [s]ein müssen/ Wie nemlich am 5. Buch Mosi, z.8, Wölcher aber durch genad berufft wirdt/ das er den waren [wahren] Moschiach der schon kommen ist/ annimpt/ der selb ist on [ohne] zweyffel selig vnd behalten/ wie dann der selben /sey der der zeit Christi vil betufft worden seind/ das sey Got ain eer in ewygkayt Amen.

S.4
Allen gutt glaubhertzigenn Christen wünscht Anthonius Margaritha gnad/ frid vn hail vo Got/ durch vnnsern Herren Jesum Christum.

Nach dem ich vonn vilen zu dickern malen gefragt/ersucht/ vn gebette[t] worden bin/ inen anzuzeigen/ was doch die Juden jetz zu mal für eusserliche Ceremonien/ gebet/ vnd gebreuch in iren Sinagogen vnd versamlungen haben/ bin ich auß dem vn anderm aoch darzu bewegt vnd verursacht worden/ solchen mit samptt allen andern Christlichen menschen/auß götlicher bruderlicher liebe/ hierinnen zu dienen/ vnd solche auch ander dergleichenn frage/ abzustellen/ vnd zuuorauß/ diemweil ich verhoffe/ das mein nach folgend schreiben/ nutzlich vn auch etwas guts bey vile[n] schaffen werde/ vn zuuor auß bey denen die vnb die Juden wonen / hanndlen vnd wandlen / vn auch bey denen die da sprechen/ der Juden wesen sey gut/ die Juden haltten ire gesatz baß dann wir/ vnd dergleichen / hab ich auß billigkeit nit vnderlauffen künden anzüzaigen/ wz heutt zu tags/ der Juden thon vnd lassen seye/ vn

S.5
Solchs alles alle[n] Christglaubige[n] hertzen zu schreiben/ bitte alle Christglaubige hertzen/ wöllen ine[n] also mein schreibe[n] vnd dienst guttigklich befolhen lassen sein/ das ich aber das alles auff das freüntlichst thon/ vn anzaigen künde/ hab ich für mich genomen alles thon vn lassen der Jude[n]/ mit sampt irem Betbüchlin [Gebetsbücher]/ in das teütsch zubringe[n]/ wie im titel nach der lenge angezeygt/ Damit menigklich selbs lesen/ sehe[n] vn versten/ künd vn müg/ wz doch die Juden jetzo für Ceremonien vnd gebet haben vnd wiewol das sy vil gutter gebet/ lob vnd breisungen [Preisungen] zu got thund/ vnd haben/ darinn man spire[n] [=spüren] mag iren eifer zu gott/ aber wol wie Sant Paulus sagt/ nit nach der wissenheit/ darumg es auch ein vnwissent/ blind halßstark volck ist/ die gnad gottes vns durch Christum den warenn [wahren] Moschieach reichlich erzeigt/ nit erkent/ sonder ein besonde[r] gerechtigkeit angericht/ vnd der gerchtigkait gottes nit vnderthon Rom 10. Daher sy auch die geschrifft zu irer verderbu[n]g/ wie Sant Petrus sagt krimen vnd felschlich [fälschlich] außlegen/ auch darnebe[n] mit närrischen wercken/vn vergeblichen aberglaubn sich trösten/ behelffen vnd beschützen/ nach inhalt ires Thalmudts. Fürwar die Apostel habenn vns nicht vergebens gewarnet/ das wir vnns vor den Jüdichen fabeln/ fragen vn wercken hütten solle[n]/ auch Christus selbs spricht. Verbegelich eeren sy mich ec. Wie sy aber/ vnd in was gestalt sye gott eeren in yren menschen satzungen/ will ich ordenlich nach ainander anzaigenn wie im titel ver-

S.6
-haissen/ vnd auch vilmer ander ding/ yeglichs besonder in seiner ordnung/ Zu beschreibe[n] fürgenomen [vorgenommen] habe/ Darauß verhoffe ich alle Christglaubige gut hertz hafftige/ vnd zuuorauß die obgemelten die vmb die Juden wonen/ werden ein sonderlich wolgefallen daran tragen/ aber sollichs nicht der mainung beschriben vnnd verteütscht/ das ich mirs alles liesse gefallen/ sonder darumb/ wie obsteet  [oben steht] von der nutzligkeit/ die daruon folget/ vnd zu vorauß denen die mit den Juden practiciern/ auch darumb das man sehe gottes vrteil vnnd zorn an disem volck/ vns zu einem Exempel für die augen gestelt/ an welchem wir lernen solle[n]/ die gnad gottes durch Christum/ nit wie sy veracht[n]/ sonder zu danck an neme [annehmen]/ das got auch vns nit blend /dz wir mit offnen augen wie sy nit sehen kündten/vnnd mit dem hertzen versteen vnd selig wurden/ Dan Sant Paulus spricht zu den Ro.8. Hat got der rechten nattürlichen öscht[?] nit verschont/ wie wurde er dann vnser verschonen/ got wöll vns allenn gnad geben Amen.

Ewer aller Williger diener

Anthoni Margaritha.

S.7 – Rosch-Haschana = Neujahrfest
Darnach gond [gehen] sey zu morgens seer frü alle in weissen klaider wie vor zu kirchen solliche weysse klayder nehmen sie auß Eccle.9. Da Salomon spricht/ In aller zeit sollen deine klaider weyß sein/ dergleiychen nehmen sie ein spruch Zach. 9. Diese srpüche aber reden vonn der vnschuld des Hertzens/ nicht vonn den außwendigen klaydern/ hie man aber sycht was die Juden für Rabinos habend/ wye maysterlich sy die schrifft furen künden/ seind auch als biß vn mittag in der kirchen/ haben vil ceremonien/prennen [brennen] auch seer vil liechter [Kerzen]/ vnd die weil die zehen gepot auß der arch seind/ wye hernach volget/ plasen [blasen] sy das obgemelt widerhorn/ plasen dar-

S.8 – Rosch-Haschana = Neujahrfest
-auß 30. Stimen vnd wenn das horn hell vnd lautt geet [geht]/ vn seyn stym on allen ansto0 klar von sich gibt/ des haben sie für ein seer fast gut zaichen vber sye/ das ihn[en] das jar glücklich gehen werde wo aber das horn nit hell geet/ sonder dem ploser [Schofar] versagt/ vnnd gar nit lautten will/ seind sie fast trawrig/ vnd halten es für ein buß zaichen vber sie.

[Bild]
Nach sollichem vnnd vil langem gepett gond sye heim vnd leben seer wol / wie am abend daruor/ nach sollichem essen gönd irer vil weiber vn man/ auch die kinder die ein wenig erwachssen seind/ an ein fliessendes wasser/ wo sie aber kain fliessend wasser vberkommen künden/ gond sie an ein windigs lüfftigs ort/ heben alle ire klaider auf vnd schütlen sye wol vn vermainen also die süde von inen zeschütlen/vnd in dem schütlen stellen sie sich gegen dem wasser abwartz [abwärts] vom wind/ domit das die sünde im wasser schnell hinab fliessen sollen/ oder der lufft sie bald hinwähen. Solch nerrisch ding nehmen sie auß einem kostlichen spruch Micheä. Er wirt sych abwenden/ das er sych vnser erbarme/ vnd vnser sünde hinab inn die tieffe des mörs werffe ec. wol citiert/ aber vbel verstanden denn man wirfft die sünd nicht also leichtlich von sich/gotes erbarmung nimpts hinn ec.

S.9 – Vorbereitungen zu Yom-Hakippurim = Versöhnungstag
Vn wann sie auß der kirchen gond/ muß ein yegklich mans person jung oder alt/ ein hanen in der hand tragen auch ain yegkliches weibs bilde jung oder alt ein Hennelin/ ayn tragende [schwangere] fraw aber muß ein hanen vnd hennen tragen/ Vnd so sie heim kommen/ nimpt der haußuatter [Hausvater] seinen hanen am erst[n] vnd schlecht in [schlägt ihn] im selbs dreymal vmb das haupt vnnd spricht/ der hane farhin für mich/ dieser kom an mein stat/ diser sey mein verzeyhung/ diser han sol in den tod geen/ vnd ich sol in eyn gätz [gantz] guts leben gehen mit gantzem Israhel Amen. Also spricht er drey mal/ von erst auff sich/ das er im von erst die Sünde verzeyhe/ dernach auff seine kinder/ zu letst auff die eehalte vn frembdlinngen die bey yhm inn seinem hauß seindt.

S.10 – Vorbereitungen zu Yom-Hakippurim = Versöhnungstag
Darnach gond yr ye zwen [je zwei] vnd zwen in der kirchen/ an einn besonder ortt/ da buckt sich der ain nider auff das knü [Knie]/ vnd angesicht/ vnnd schlecht das Häß [Tuch?] vber den kopff/ doch das man im [ihm] kain plosse [bloße] hautt sehe/ So steet der ander vber in [ihn] vnd schlechtt [schlägt] in mit einem riemen 39. Straich/ Dieweil er in also schlecht/ bettet der da geschlagen wirt/ die offne beicht/ vnnd schlechtt sich selbs auch ins hertz. Wann solliches geschehen ist/ steet er auff so legt sych dann der ander an sein statt/ vnd laßt sich auch also schlagen/ doch beissen die füchs aneinander nit hart/ Solliche grosse buß geschicht darumb/ das sye gantz rein vnd on [ohne] sünnde/ an disem langen tag vor gott erfunde [gefunden] werden/ Das sye aber ein ander nur 39. Schleg [Schläge] gebe[n]/ ist im Deut. 25. gegründt...