Bucer Ratschlag 1
Bucer Ratschlag 3
Bucer Ratschlag 4
Bucer Ratschlag 5
Transkription:
(S.1) Von den judē ob/ vn wie die vnder den Christē zů halten sind / ein Rathschlag/ durch die gelertē am ende dis bůchlins verzeichnet/ zůgericht.
¶Item Ein weitere erklerung vnd beschirmung des selbigen Rathschlags. Durch Martin Bucer.
Jsaie IXV. Capit. Ich werd gesucht von dene/ die nit nach mir fragtē/ Ich wird fundē von denen die mich nit suchten /vnd zů den heiden die meinen namen nicht anrůffen / sage ich / Hie bin ich/ Hie bin ich ec.
....
(S.3) Ob Christlicher Oberkeit gepüren möge / das sie die Jůden vnter den Christen zů wonen gedulden / vnd wo sie zůgedulden/ welcher gestalt vnnd mass.
Antwort
Christliche Oberen sollen sich ia befleissen/bey den iren/ die beste Policey an zůrichten vnd zů halten/ denn sie alles aus dem Geist Christi/der inn allen dingē/ das heyl der menschen zům gewissensten/vnd besten fordert/ vnd wircket/ verordenen vnd handelen sollen.
Zů recht geordneter Policey ist von nöten/ das die Oberen die nöchste sorge/ vnnd grösten vleis ankeren/ damit im volck die einige ware Religion bestehe vnd immer zůneme.
Denn das ende/deren die ein gůt Policey vnd recht regierung halten vn füren wöllen/ ist/ das ire Burger vnd vnterthane/ fromme/ vnd erbare leüte sein/ vn haben was inen zů rechtem frommen vnd erbarem leben notwendig/ dienstlich/ förderelich vnd ergetzlich sein mag/ Dis habē auch die heiden/ als Plato/ Xenophon/ Aristoteles vnd andere weisen/ erkennet vnnd geleret.
Nůn aber hanget alle fromkeit vnd seligkeit leibs vnd seelen an der waren Religion/ wie denn der herre spricht/ Süchet zů ersten das reich Gottes vnd seine gerechtigkeit/ so wird euch das andere alles selb zůfallen...
(S.4) Denn weil die ware Religion nur einig sein mag/ wo diese jemands vnter einem volck gestattet würd öffentlich ein ander Religion zů vber / vnnd die ware Religion zů lassen/ muß ja solchs zů etwas verletzung der waren Religion gereichen....
Darumb wo ein falsche Religion öffentlich geduldet vnd nicht gestraffe wird/ mag es je vbel abgehen/ das es die ware Religion nicht bey den schachglaubigen vnd einfeltigen/ verdacht mache / oder zům wenigsten inn geringer achtung bringe....
(S.5) Jedoch hat es der Herr also geschiekt/ das die alten Christlichen keiser/ vnd der merer vn ansichtiger theyl/ der altē frommen Bischoffe/ die Juden vnder den Christen geduldet haben/ doch der gestalt/ das sie kein euwe Synagoga bauwen/ vnd auch in alten nicht weiters handelten/ den sie aus dem gesatz Mose/ vnd von iren Eltisten vättern haben/ eh sie haben angefangen/ Christum vnd seine heilige Religion in iren Synagogen zůlestern/ vnd wider die zůbetten/ Sie haben inen auch nicht zůgelassen Christen leüt zů kauffen/ vnd eigen zů haben/ der gleiche auch kein gewalt oder ehrlich ampt/ vber die Christen zůfüren....
(S.7) Daneben wissen aber wir auch die könig/ fürsten vnnd Stedt nicht zůverdammen/ welche die Juden bey den iren nicht gedulden wöllen/ vnd sie langest aus iren landen vertriben haben/Denn die Juden freylich inn den landen / da sie vertriben/ das vorgemelte nachgeben vnd gedulden/ lengest verwirckt haben/ durch ire schwere lesterung/ vnsers Herren Christi vnd seiner heiligen Religion.
(S.8) Erstlich/ das die Juden die man bey den Christen vermeinet zů gedulden/ mit dem eidt versprechen vnd zůsagen/ bey den iren kein lesterung/ wider Christum vnsern Herrn/ vnnd seine heilige Religion zů treiben/ noch zůgestaten/ Sondern sich des allein zůhalten/ das inen Mose/ vnd die Propheten vorgebē haben/ Vnd das sie auch die iren mit keiner satzung irer Thalmutischen lerer beschweren/ welche dem gesatz vnnd den Propheten nicht gemess ist/ Den durch die Thalmutischen Gottlosen gedichte / die armen gůthertzigen Juden von vnser weren Religion/ zům fürnemesten abgehalten werden.
Nu ist aber ein jede Christliche oberkeit schludig/ auch disen armen leüten/ wo sie die vnder iren schutz nimpt / zů irem heil zůuerhelffen/ vnd so lang sie in irem schutz sein / nicht zůgestatten/ das sie daran sich selb/ oder die iren/ verhinderen oder verletzen.
Zům andern/ das die Juden nirgend newe Synagogen auffrichten/ sonder sich allein der alten vnd vorgebaweten mit aller stille gebrauchen.
(S.9) Zům dritten/ das sie auch versprechen/ mit niemands von den vnsern/ von der Religion zů disputiren/ in einigen weg/ denn allein mit denen predigern/ die man da zů besonders verordenen wird/ Den welche nit wol gegrünt sein / in erkentnis vnserer Religion/ vnd der schrifft/ die mögen durch die Juden/ als die in der Bibel leuffig / vn in den falschen argumenten wider Christum/ besonders wol geübet sein/ gar leicht irrig gemacht/ vn im schein vberwunden werden/ Da her den solche disputation der Juden/ mit vngeübten Christen/ nicht mehre ausrichten wird/ den das die Juden in irem irthumb gestercket/ vnd die Christen / so mit ihnen disputieren/ oder zů hören/ inn irem glauben geschwecht wurden.
Zům vierden/ das sie zů den predigen/ die man ihnen inn sonderheit verordenē sol /den nicht alle predigen den Juden besserlich sein werden sampt) iren weibern vnnd kindern kummen wollen/ Dann man auch inen wie gesagt/ zů irem heil verhelffen sol/ so vil man kan.
Nun weil die Juden auch inn der narung den Christen beschwerlich sein/ vnd sich mit wüchern vnnd ander finantzen/ inn vorteiligem kauffen vnd verkauffen/ zů herzen vn Junckherrn der armen Christen machen/ vnnd das aus der armen Christen sauren arbeit vn schweis/ Welchs wider das gesetz/ des Herren/ vnd der Christlichen Keiser ist/ denn sie der Christen knecht/vn inen zů dienē vnderworffen sein sollen/ Deut. 28. So wird ja ein jede Oberkeit schuldig sein / auch diese ergernis ab zůstellen/ und zůuerschaffen.
Erstlich/ das die Judē ůberal niemands zům wůcher erwas leihen.
Zům andern/ das inen auch alles grempeln vn kauffmans handel verbotten werden.
(S. 10) Denn weil sie sich bereden/ sie haben fůg vns zůbetriegē/ vnd das vnser an sich wider recht zů ziehen/ wie sie es allein der Oberkeit halb hinauß zůbringen verhoffen/ Als die / nach der verheissung ihres/ gesetzes/ vnsere herrn/ vnd wir ir eigene dienst sein sollen/ werden sie sich alweg drein schicken/ das sie mit den Christen/ zů derselbigen nachtheil/ hantieren.
Nů aber bey welchen man sich des betrůgs eigentlich zůversehen hat/ denen sol man kein hantierunge gestatten/ die auff glauben vnd freyer treüwe stehen/ Vnd ob man dagegen sagen wolt/ wo dis gelten solt/ musst man auch vielen Christen/ das handtieren verbieten/ als die in offenem betrůg/ vnnd on gewissen des betrůgs/ befunden sein/ nach dem gemeinen sprichwort/ Zů einem kauffman gehöret groß diligentz vn klein conseientz/ Sagen wir/ das man so solchen vermeinten Christen/ die man so ruhlos befinde/ des sie inen kein gewissen machetē jre nechsten zů betriegen/ alle handel verbieten solt.
Das man aber dises nicht thůt/ vnnd damit sündiget/ dis kan nit recht machen/ das man mit vnbillicher zůgebung gleiches vnrechtes/ an den Juden auch sündige/ Es ist zů vil mit dem/ das man nicht an den falschen Christen solche beschwerde der armen abwendet.
Zům andern/ hat der Herr den Jude dis recht gesetzt/ Deu.. Der frembdling d bey dir ist/ wird ůber dich steigen/ vn immer oben schweben/ du aber wirst herunder steigen/ vnd immer vnden ligen/ Er wird dir leihē/ du wirst im nicht leihē/ er wird das haupt sein/ vnd du wirst der schwantz sein ec. Dis Göttlich recht sollen vnsere Obern an den Juden volnstrecken/ vnd nicht vnderstehē barmhertziger zů sein/ denn die barmhertzigkeit selbst/ Gott der Herr/ wie wol es ein vnbarmhertzigkeit vnnd kein barmhertzigkeit ist/ der wolffen verschonen/ zů schaden der schaff/ Der from(S.11)men armen Christen/ die von Juden vnnd falschen Christen vnbillich beschweret werden/ sollen sich die Oberen/ so ire hierten sein/ erbarmen/ vnnd ihnen vor dem betriegen vnnd beschweren sein/ vngerechter Juden vnd Christen.
Vnd nemlich sollen sie die Juden/ nach Gottes gerechtem vnd barmhertzigem vrtheil/ so sie die bye den Christen gedulden wöllen/ also halten/ das sie nicht ob/ sondern vnder den Christen/ der schwantz bey inen/ vn nicht das haupt sein.
Denn die Juden ia ihres vnglaubens vn verachtung Christi/ sampt dem blůt des Herren/ seiner lieben Aposteln/ vnnd so vieler marterer/ das vff ire eigene beger/ vnd nach billichem urtheil Gottes/ noch auff inen ligt/ vnder rechtgottseligen Oberen entgelten/ vn nicht geniessen sollen/ nů důrffen sie sich aber des berhůmen/ vnd findet sich also inn der that/ das sie vnser Herrn/ vnd wir ire knecht sein/ vnd nicht herwider/ wie es aber der gůtig Gott geordnet hat.
Denn sie durch ire fortheilige leihen/ kauffen vnd verkauffen/ den vnsern das ire also abziehen/ das sie darbey můssig gehen/ Pracht vnd můtwillen mit dem schweis der vnseren/ vnnd fast der ermesten/ treiben/ So halten sie sich auch also/ das weder sie noch ire kinder/ den vnsern knechtlichen dienst thůn/ Wie aber gar offt die vnsere ihnen thůn/ Dan sie von den vnseren immer finden/ die ihnen auff die Sabbath die feüwer machen/ kochen/ waschen/ vnd andere arbeit außrichten.
Vnd wo inen schon das wůchern geweret wird/ vnd allein die grempeley vnnd kauffmans handel zůgelassen/ wie sie geschwind/ vnuerdrossen/ vn vns zůuerforteilen/ on gewissen sein/ ja meinen sie thůn einen dienst dran/ werden sie sich sonder zweiffel also drein schicken/ das sie noch als oben vns/ vnnd nicht vnder vns/ das haupt vnnd nicht der schwantz sein werden,
(S.12) Wie man des zů viel grob Exempel hatt/ bey den Juden inn der Türckey vnd Bolen/ welche die grössesten vn reichesten geldt gewerb/ inn iren händen haben/ So hat man das wol auch an vnsern getaufften Juden zůsehen/ den falscheberhůmbten kauffleüten/ vn wůcherischē wechslern/ die sich mit iren finantzē schier ůber alle stand vnd gewalt erheben/ Kauffmans händel/ wechsel/ vnd andere hantierung sind wol an inē selb gůt/ nutzlich vnd ehrlich/ Wenn die aber soliche leüt treiben die kein Gottsforcht [Furcht]/ oder gewissen haben/ die leüt mit denen sie handlen zů beschweren/ so ist nichts/ das gemeinem volck vnd allen stenden schedlicher vnd verderblicher sey.
Derhalben werden keine Christliche Oberen/ denen die Religion/ vnnd gůt Policey lieb ist/ diesen feinden Christi den Juden/ wo sie die wöllen im volck Gottes gedulden/ einige kauffmans handthierung vnd gremperey gestatten/ weil sie die / als Goltt gebotten/ vnten vnd nicht oben/ zům schwantz vnnd nicht zům haupt/ das ist nach des Herren selbst erklerung/ also halten wöllen/ das sie von den vnsern entlehnen můssen/ vnd nicht den vnsern zů leihen haben.
Ja sie werden inen auch nicht die sauberen vn gewinlichere hanwerck/ vnd nemlich die nicht zů lassen/ da man den werd der wercken/ zů erkentnis/ vnnd auff glauben der werckmeiseter stellen můs/ sondern werden sie verordenen zů den aller nachgůltisten / můheseligsten/ vnd vngewinlichsten arbeiten/ Als da sein der bergknappen arbeit/ graben/ walmachen/ stein vnd holtz hauwen/ kalckbrennen/ schornstein vnnd cloack fegen/ wasenmeister oder schinder werck treiben/ vnd der gleichen.
Denn wie gesagt/ ir recht ist inen von dem barmhertzigen Gott auffgeleget/ das sie bey den Völckern/ bey denen sie wonen/ die vndersten vnd der schwantz sein/ vn am aller hertesten gehalten werden sollen.
(S. 13) Jedoch was man ihnen vor arbeit vn narung verordenet/ dabey sol sie ein Oberkeit trewlich schůtzen/ vnnd alle Christen barmhetzig vnd freündtlich halten/ kein hohn noch spot mit ine treiben/ also/ das sie alles mitleiden vnd liebe bey vns befinden/ Doch das sie wie gesagt/ vnter allen Christen/ vn zům schwantz gehalten werden.
Denn wie den fromen Christen an irer seligkeit noch ehrē nicht schadet das sie die erzeleten vnd andere gröbere/ vnd můheseligere arbeit thůn můssen/ wo sie sich inn den selbigen/ wares glaubens an Christum halten/ Vnd wie die edelen vnnd Burger/ die sich zů solcher groben arbeit/ an diser frommen Christen stadt nicht begeben/ sie aber in solchem nidrigem arbeitseligem thůn/ doch inn aller lieb vnd barmhertzigkeit halten/ derhalben an ihnē wider gebůrende lieb nichts handeln/ Also wird es auch den Juden an irem heil nicht nachtheilig/ sondern mehr förderlich sein/ Auch die ware liebe/ die wir ihnen schuldig sein/ mit nicht verletzen/ das man sie an irem ort/ vn zů irem aller nidrigsten vnd arbeitseligstem thůn/ wie das Gott selbs gebotten/ verordnet/ wo man sie allein in dem selbigen thůn mitleidlich vnd barmhertzig haltet...
Transkription: Avraham Siluk
Quelle: Bayrische Staatsbibliothek München
Es existiert eine empfohlene Edition dieser Schrift mit einer guten Einleitung und interessanten Anlagen: Martin Bucer, Deutsche Schriften, Bd. 7, Schriften der Jahre 1538-9, hrsg. v. Robert Stupperich, Güthersloh 1964, S. 319-394.
Aufgabe:
1) Welche Grundsätze leiten Bucers 'Ratschlag'?
2) Schauen Sie den Antwortbrief des Landgrafen Philipp auf den 'Ratschlag' (Dokument Nr.7). Worin unterscheiden sich die Auffassungen Bucers von denen Philipps? Gibt es auch Übereinstimmungen der Positionen?
Alle Seiten [1-11] in einer PDF-Datei öffnen
Bucer Ratschlag 1
Bucer Ratschlag 3
Bucer Ratschlag 4
Bucer Ratschlag 5